PATCHES EVERYWHERE .. موضة الملصقات ( الستيكرز )

الـ ( Patches او الاستيكرز ) القطع اللي تتلصق و تتركب عالملابس هالفترة دارجه و من اقوى التريندز الشبابيه اللي تضيف على القطعه شكل مميز و جميل ..

هذي القطع او حتى البروشات ممكن تركبينه على اي قطعه قديمه عندك بنطلون جينز جاكيت جينز او جلد و مو بس كذا صارت بعد تتركب على المعاطف و الشنط و الاحذيه .. طبعا هذي الموضة تذكرنا بالتسعينات ...

هالستيكرز او patches الحلو فيها تركبينها و ترتبينها بالطريقة اللي تعكس شخصيتك و ذوقك حتى أختيارك للاشكال لكن للاسف في السوق عندنا كانت محدوده الاشكال و بالنسبه لي ابد مااحسها تعكس شخصيتي ( خاصة انو مافيها اشكال الجمجمه و الهيكل العظمي  💔😅 ) 

بس هذا الموجود وش نسوي ، و ممكن تطلبينها من النت فيه اشكال و خيارات كثيره ..

هذي المجموعة اخذتها من محل ستراديفاريوس سعر المجموعة الوحده ٤٥ ريال ..

.....................

طريقتها بعد ماتوزعينها عالقطعه و تشوفين الشكل النهائي تجيبين المكواه و قطعة قماش بيضا و تحطينها فوق القطعه و تضغطين كم دقيقه لين تثبت ( و فيه نوع ثاني يتركب باللصق مايحتاج حراره ليثبت )

.......................

نجي للقطع اللي اخترت اركبها عليها هذي بلوزه مخرمه / mesh ركبت عليها بعض القطع و لاحظو كيف اعطتها شكل ..

.......................

اما القطعه الثانيه كانت ڤيزت جينز اخذته من مانجو من زمان و حبيت اضيفها عليه خاصة اني حابتهم على الاقمشه الجينز سواء جاكيت او فيزت او بنطلون 

طبعاً مو إجباري تركبيهم بس ع الجينز ممكن اي تيشيرت عندك او سويتر تضيفينها عليه و اذا حبيتو هالموضة و اضفتوها لقطعكم شاركوني تصميماتكم لها حابه اشوف ابداعاتكم .

................

* اذا اعجبكم البوست و شفت منكم تفاعل إن شاءالله  قريب انزلكم تنسيقات لهذي القطع 

طبعا لو حابين ...

THANKS FOR READING 

تابعوني على twitter , instagram

XOXO

ALMAHA