بسم الله ....
صباح / مساء الخير
راح أتكلم اليوم عن منتجين عباره عن ماسك لإعادة الحيوية للشعر
و هل راح أرجع أشتريها أو لا
أول منتج ماسك المكاديميا طبعاً غني عن التعريف و أتوقع الأغلبيه جربوه
الماسك عباره عن معالج للشعر التالف لأعادة حيوتيته و أصلاحه
طريقة أستخدامة :
يوضع ع الشعر المبلول بعد ماتغسلينه و تخلينه مدة 10 دقايق تقريباً
و أنتي تحطينه مرري اصابعك بين شعرك عشان ينفك التشابك و بعدها أشطفيه بموية
رائي فيه :
مره حبيته و يستاهل المدح اللي جاه أعطى شعري حيوية و ترطيب و ريحته مره جميلة
و خصوصا أنو أنا طبيعة شعري كيري و لما أستشور كنت أعاني أنو شعري يتطاير
بعد استخدامه جد فرق و غير كذا صار الاستشوار يثبت بشعري
و أفتكيت من مشكلة التطاير اللي كانت مجننتني
- كنت أستخدمه من فتره لفتره مو بشكل أسبوعي و خصوصا خليته أساسي لو بستشور شعري
هل برجع أشتريه ؟! أكيد لاني حبيت نتايجة كثير
أماكن توفره :
موجود بنزية و سعره تقريبا 130 ريال و العلبه جداً إقتصاديه تجلس معاك كثير
...............................
الكريم الثاني من شركة إيطالية أسمه Hair Force three
صرفته لي الدكتوره بفترة العلاج و ع كلامها خالي من المواد الكيماويه
من ضمن مكوناته زيت الجوجوبا و فيتامينات للشعر
طريقة أستخدامه :
مثل ما ذكرت بماسك المكاديميا بعد غسل الشعر بالشامبو و تتركينه لمدة 5 دقايق مع مساج لفروة راسك بعدها أشطفيه
رائي فيه :
كثير أحبه و ضعت بدونه لما خلص مره جميل رطب شعري بطريقة جميله و رتب لفات شعري الكيرلي أعطاها حيويه و نعومة و شكل صحي للشعره خفف كثير الأطراف المتقصفه و جفاف شعري اللي كان معذبني و خلاني اقلل من الاستشوار اللي كنت استخدمه عشان ارتب شعري .
أستخدمة بشكل يومي تقريبا بعد اي غسلة لشعري ... هل برجع أشترية ؟! اكيدين أضيع بدونة من ضمن روتيني الاساسي بعد اي غسله لشعري
أماكن توفره :
متوفر بس بصيدلية الشريف و ماأدري اذا هالصيدلية لها فروع بباقي مناطق المملكة غير الشرقيه
سعره مره جميل ب 49 ريال
.................
إن شاءالله عجبكم البوست
و أعطوني رايكم لو جربتي هالكريمات
THANKS FOR
READING
XOXO
ALMAHA
