Review: Sigma Premium Professional Brush kit

 

بسم الله .....

مبارك عليكم الشهر ...

أول شي أعتذر عالتأخير كان مفروض أنزل الرفيو (المراجعه ) ليلة رمضان

بس تأخرت لاني أنشغلت شوي .

 

 

راح أتكلم لكم عن مجموعة فرش طلبتها من سيجما قبل سنة تقريباَ

أسم المجموعه (Sigma Premium Professional Brush kit )

سيجما توفر لك الفرش احيان بالحبة تاخذين اللي تبين

و ممكن تاخذين بالكوليكشن أو مجموعه و تختلف المجموعات على حسب اللي يناسبك

سيجما معروفه بأسعارها المعقوله و تعتبر جنب باقي الماركات سعر مره روعه و لئطه

.....................

أولا: المجموعه اللي طلبتها (Sigma Premium Professional Brush kit ): تضم 15 قطعه , 7 منها للوجه و 7 للعيون و الثامنه للشفايف .

 

ثانياَ رائي فيها : كثيررررررررررررر حبيتها أنا طلبتها كتجربه كان عندي كم قطعه من ماك و ترددت اكملها من ماك واخاف مااعرف لها و السعر طبعا يعتبر مو رخيص أو اجرب هذي و أشوف بتناسبني و بعرف لها او لا , صراحه كثير حبيتها مره جميله أستغربت من الناس اللي قالت لي لا تريها خشنه , ترا شعرها يطيح و من هالحكي , شعرها أبدا ماطاح علي هذا و انا لي سنه أستخدمها ..... اكيد راح أرجع أطلب من سيجم مره ثانيه و ببالي كم قطعه أطلبها لانها جد جد جد جميله و اكثر من ممتازه على سعرها البسيط .

 
ثالثاً سعرها : اخذتها تقريبا ً ب655 ريال قريب من هالسعر , السعر يعتبر واااااو خرافي بالنسبه لمجموعة كذا .
 
رابعاً : طلبتها من الموقع نفسه لسيجما , تقدرين تطلبينها أنتي من الموقع أو من خلال التاجرات اللي يريحك .

.....................................................

 

• اتركم مع الفرش و أستخداماتها :

تجي بشنطة جلد دورين ولها سحاب , أحب احطها فيها احيان عشان تحفظها من الغبار اذا مابستخدمها كثير , 

وبرضو بعد مااغسلهم و تنشف احطهم فيها عشان يترتب الشعر

.................................................

 



هنا شكلها وهي مفتوحة الشنطة

...........................................

 



 

هذي مجموعة الوجة 7 قطع

ينكتب عليها F  يعني لل(Face)

...........................................

فرشاة F20

شبيهة لفرشاة mac 134

بس الفرق انو حقت سيجما أكبر شوي بس مايأثر هذا الفرق و أكيد الفرق الاساسي السعر

أحب استخدمها هذي الفرشة للباودر هالفتره كثير حابتها و تركت الكابوكي

.................................................

 

فرشاة  F25

وتعتبر برضو شبيهة لفرشاة mac 138

 

اممممم ماأستخدمها كثير احيان ممكن استخدمها للكونتور الباودر

..........................................

 

فرشاة F10

تعتبر شبيهة لفرشاة mac129

امممم فيه ناس تحب تستخدمها للباودر وهي اصلا للبلاشر

أعشق هذي الفرشه قصة حب أنا وياها يعني لو بسوي من مفضلاتي لكل هذي السنة بحطها هي

مره جميله جميله جميله و توزعين فيها البلاش و تتحكمين فيه بشكل روعه خاصه لو تبين لوك طبيعي

.............................................

 

فرشاة F35

اممممم نقدر نقول شبيهة لحقت mac 165

بس فيه اختلاف بسيط حقت ماك جاي راسها على دائري أكثر
فيها ناس تستخدمها للبلاش بس انا استخدمها اكثر من أستخدام و أحبها
احبها للأضاءه لما اوزعها كثير جميله
وبرضو احيان استخدمها للكونتور و احيان ممكن استخدمها لو أبي أوزع الباودر تحت عيني
*طبعا أنا أنسانه ماأحب القواعد و أني انحكر للتقسيمات للاستخدام اللي حاطينها
ممكن أستخدم فرشه وحده لكذا حاجه
.............................................

 
فرشاة F15
أحب أستخدمها هذي للبلاشر الكريمي و أحيان للأضاءه المثورة لو حابه اخذ كمية بسيطه
و ماأكثر
.............................................

 
فرش الكونسيلر
البيج F75
وهذي اللي استخدمها أحيان
الثانيه الأكبر السودا
F65

امممممممممممممم ماأذكر أني أستخدمتها  يمكن مره أو مرتين
استخدمتها لما حطيت الكونتور الكريمي
................................................

 
الحين نجي لمجموعة العين جاية 7 قطع
ينكتب عليها E اختصار ل(eyes)
...............................................

 
فرشاة رقم E35
شبيهة لفرشاة mac 222
بس هذي الشعر فيها أكثف من حقت ماك
أحبها أحبها أحبها أحبها كثيررررررررررررر هذي الفرشة
أستخدمها للدمج توزع الظل بطريق جميله وخفيفه و الحلو فيها
ليونتها و طولها يعني لما تمدمجين بمنطقة كسرة الجفن تدمج بشكل جميل
................................................

 
فرشاة E25
شبيهة لفرشاة mac 217
 
احبها و أستخدمها كثير بس مو كثر حبي للجميل اللي فوق
احيان استخدمها لو بدمج بالزاوية الخارجية بلون غامق
و مرات استخدمها للكونسيلر تحت العين لو ابي ادمج و اخفي بعض الخطوط
.....................

 

هنا الفرق بين e35 و e25 
الفرق انو 35 راسها جاي اطول و مستقيمة شوي
............................................................

 
فرشاة E45
شبيهة لفرشاة mac 226
برضو أحبها كثير هذي الفرشة ماأستغني عنها أبد
استخدمها لو بحط لون بالزاوية الخارجيه و برضو للكريس أيز + لما أحدد كسرة الجفن
و برضو احب استخدمها لما أبي اسوي كونتور لخشمي
اسويها فيه يطلع شي خيالي
..................................................

 
فرشاة E10
شبيهة لفرشاة سماش بكس
راسها مره نحيف طبعا هي للكحل و خاذة راسها يساعدك
لو تبين تسوين الكحلة اللي مره قريبه للرموش
.........................................................

 
فرشاة E15
أستخدمها لما ابي احط ظل بني عشان ارسم فيه عيني من تحت بشكل خفيف قريب من الرموش
وحطها لما احط كحل من تحت وابيه طبيعي يبين + واحيان احب استخدمها لما ابي انظف الحاجب بالكونسيلر عشان تطلع الرسمة بيرفكت
............................................................

 

فرشاة E20

شبيهة لفرشاة mac 214

أستخدمها لو بحط ظل تحت خط الرموش و جميلة للسموكي

........................................................

 

فرشاة E50

شبيهة لفرشاة mac 227

أستخدمها للأضاءة تحت الحاجب او لما ابي ادمج الاضاءة

..............................................

 

وهذي أخر فرشة
فرشاة L05
طبعا حرف L اختصار ل (LIP)
فرشاة للروج
.............................................................

و بس أن شاءالله عجبكم الريفيو و فادكم
لأي سؤال و لرايكم و تجربتكم للفرش
شرفوني بتويتر و بالانستقرام

THANKS FOR READING 

تابعوني على twitter , instagram

XOXO

ALMAHA





المجموعة الجديدة لGiambattista Valli Fall Haute Couture 2013 :

 

 



أبتدا أسبوع الموضه بباريس للهوت كوتور ( Haute Couture)  التصاميم الراقية لخريف 2013..
وعرض فيها المصمم الايطالي Giambattista Valli مجموعتة ضمة 38 قطعة جميلة و مميزة

"Flowers and colors are what women want from me , That's what I give them, but every time I get inspired by something different."

هذا اللي صرح فيه المصمم قبل العرض

أخذتنا مجموعتة لحدائق روما الجميله بتنوع نقشات وزخارف الورود الجميله و باألوانها  العاجية و الأزرق و الأحمر وتنوعة أقمشتها بالصوف و الحرير وكشكشة الاورجنزا و طبقات الحرير الكثيفة و شانتيل الدانتيل ..أطوالها كانت اغلبها لفوق الركبة و بعض الفساتين الطويلة وطبعا ماخلت من قصات ال peplums و قصات الخصر الجميلة و بعض القصات الشبية للبالون  , أيضا المجموعة تميزة بالأكمام الملفته للنظر مع الأحزمة و التاجات النحاسية  بأختصار كانت مجموعة نقدر نشبهها بالوحة فنية متعددة الألوان .. أنثوية جريئة و مميزة و أتوقع راح نشوفها عالريد كاربت .و متحمسه لها كثير ..
أتركم مع بعض التصاميم :

 

 

 

 

 

 

 

 

 

أنا كثير حابة هالفستان )""": أبي ألبسه على الريد كاربت <----- كيف الطموح بس

..............................

وهنا بعض التفاصيل الجميلة :

 

 

 

 

 

 

 

للأطلاع على باقي المجموعة أضغطي هنـــــــــــا

..............................

هذي أول أطلالة بفستان من الكلوكشن للمثلة Zhang Ziyi  بحفل في سان فرانسسكو

 

 

.........................................

المجموعة كانت جدا جميلة أنا حبيتها كثير مميزة تصاميمه لكن كم مجموعة له خاصة هنا كم فستان

ذكرتني بمجموعة

Gucci fall 2011

وبس أن شاءالله عجبكم البوست و كان ممتع و خفيف عليكم

 

THANKS FOR READING 

 

تابعوني على twitter , instagram

 

XOXO

ALMAHA