بسم الله ....
صباح / مساء الخير
كيفكم ياجميلات ؟ بما أنو قرب يخلص رمضان الله يتقبل منا و منكم صالح الأعمال
و جاي العيد و المناسبات فـ محتاجين هالفتره عناية خاصه لبشرتنا عشان يطلع المكياج ممتاز و طلتكم جميلة ..
اليوم بتكلم لكم عن منتج كثير حبيته هو خاص بمسام الأنف و الرؤوس السوداء اللي أغلبنا نعاني منها للاسف
قبل لا أحكي عنه بقولكم عن مشكلة كانت معقدتني اخر فتره , انا الحمدالله ماعندي رؤوس سوداء واضحه بس من فتره لاحظت المكياج خاصة الكريم الاساس يتقطع عند أنفي و يتقشر و يصير مثل المتكتل هو و الباودر مع اني دايم اسوي تقشير بس مافاد شي و الحمدلله هالمنتج حلها لي ....
......................
أسم المنتج / volcanic clay nose strip
من محل ذا فيس شوب للمنتجات الكورية
المنتج عبارة عن 6 لصقات للأنف كل اسبوعين تستخدمين لصقه وحده
مميزات المنتج :
يحتوي على الطين البركاني و الفحم و عشان كذا بتلاحظو لونها هاللصقات أسود غير عن باقي اللصقات اللي تعودنا عليها تجي بيضا .
زي ماقلت هاللصقه مكونه من :
- الفحم النقي و من فوائدة أنو يساعد على أزالة و امتصاص الدهون و من مميزاته بأنه يدخل داخل البشره عشان يزيل الرواسب و الأوساخ الموجوده داخل المسام بالتالي يزيل النقط السوداء بالبشرة و أيضا يزيل الشوائب و الجلد الميت و يعتبر صحي للبشره و مغذي للجلد وراح تلاحظين أنو هالمنطقة راح تصير ناعمه
-الطين جدا ممتاز لعلاج ألتهاب الجلد وينظف المسام و الجلد تنظيف عميق و بالتالي يقلل من ظهور حب الشباب
......................
هذي هي اللصقات تجي بهذا الشكل و لاحظو لونها أسود
......................................
طريقة الأستخدام :
وراح اقولكم الطرريقة اللي انا اسويها
1- بعد مااغسل وجهي و انظفه من المكياج و غيره
2- اسوي بخار لوجهي تقريبا لمدة 10 دقايق و فيه اكثر من طريقة لعمل بخار للوجه سواء بجهاز او وعاء موية حاره او منشفه مبلوله
3- تفتحين اللصقه و تحطين الطرف الغامق على الانف بس بشرط قبلها بللي انفك بموية عشان تلزق اللصقات كويس لان كثير يشتكون انها ماتلزق ( طبعا استغلو انكم عملتو بخار و نشفي باقي وجهك و حطي قناع انتي تحبيه لوجهك )
4- تحطين اللصقات لمدة تتراوح بين 10 -15 دقيقه و لما تشيليها شيليها بهداوة
5- بعدها حطي بقطنة موية ورد بارده او موية عاديه تكون بارده عشان تقفلين فيها المسام
.............................
تقيمي للمنتج :
حبيته كثير و من أول تجربه حسيت ولاحظت الفرق و ينظف المسامات و الرؤوس السوداء بطريقة ممتازه
اعطيها 9 / 10
طبعا كلكم عارفين انو ذا فيس شوب ع انه منتجات طبيعيه
سلبياته :
- رائحة الفحم بارزه ممكن يعتبرها البعض قوية أو تزعجه
- يحتوي المنتج ع مادة ميثل البارابين ( methylparaben) و تعتبر من المواد الكيماوية اللي تستخدم كمادة حافظة و انها تزيد من صلاحية المنتج يستخدمونها و يضيفونها لمنتجات العناية بالبشرة بمسبة تعتبر جدا ضئيلة دون الحد الذي قد يؤثر و نادرا جدا بأن يسبب ردود فعل عكسية الجلد او ألتهبات لكن يفضل اللي بشرتهم حساسه أنهم يبتعدون عنه و ياخذون منتج أخر مناسب لهم
.................
لكن برائي المنتج جدا جميل و فعاليته قوية و من أفضل المنتجات اللي جربتها و فادت معاي من اول تجربة و اكيد راح ارجع اشتريه و افكر اجرب الماسك منه و ان شاءالله اقولكم رائي فيها قريب
سعر المنتج 25 ريال ...
فروعهم :
الخبر بالظهران مول - الدمام بالعثيم مول
جدة - مجمع العرب - السلام مول
الرياض - غرناطة مول - الرياض غاليري - القصر مول - المارينا مول - العثيم
مكه مكتوب فيه فرع لهم بس مااعرف وين بالضبط للاسف
................
إن شاءالله يكون عجبكم البوست و يفيدكم المنتج و اللي جربته تعطينا رأيها فيه
شرفوني بتويتر و بالانستقرام
THANKS FOR READING
XOXO
ALMAHA
