( ريفيو لفرش سيفورا)....Review : sephora brushes #45 #57

بسم الله ....

صباح / مساء الخير

اليوم راح احكي لكم عن تجربتي لفرشتين من فرش سيفورا صارت شي اساسي بالنسبه لي 

وكثير حابتها ..

لاحظت كثير بنات يشتكون من فرش سيفورا وانه شعرها خشن او يطيح صراحه انا مالاحظت هالشي و زي الحلاوة معاي الفرش

.........................

1- Pro 45 :

اول فرشة هي رقم 45 طبعاً غنية ع التعريف اتوقع الكل يعرفها 

ممكن تستخدمينها للباودر او للفاونديشن ...

شعرها كثيف و شبيهه لفرشة سيجما و تقريبا تعطي نفس النتيجة 

انا استخدمها للفاونديشن بطريقة التنقيط لتوزيع كريم الأساس 

تعطي تغطية ممتازة و تدمج الفاونديشن بطريقة طبيعيه بعيده عن منظر التكتل للفاونديشن وانك حاطه طبقة .

  رأيي فيها :

- جدا جميله حبيت شعرها كيف كثيف و هالشي يساعدك بالدمج و يسهلك اياه 

- شعرها ناعم مررره عالوجه 

-اول مااخذتها كانت شوي خشنه فقلت ليه مااجرب اغسلها وبعد ماغسلتها طلعت مره ممتازة ( بعض الفرش تحتاج احيان انك تغسلينها عشان تتخلصين من خشونتها حتى لو جديده )

- هل راح ارجع اشتريها ؟! اكيدددددد مره احبها ومااستغني عنها و احيان استخدمها بتوزيع الكومباكت باودر وتطلع النتيجة شي مره جميل خاصة ايام الصيف او الصبح 

- سعرها 109 ريال 

- طبعا ماتنباع الا بمحلات سيفورا نفسها .

..............................................

2- Pro 57 :

آآآآآآآآآآآآآآآه هذي الفرشة عشق عشق عشق انا وياها 

هذي الفرشة للكونسيلر لدمجه بس أنا أستخدمها لأكثر من شغله 

- استخدمها لدمج الكونسيلر تحت العين تعطي نتيجة دمج مجنوووووووونة 

تدمجة بشكل طبيعي بدون ماتنزعجين من منظر الخطوط تحت العين او تكتل و بتغطية جداً جداً جداً ممتازة حتى لو كان الكونسيلر نوعة ثقيل .

-استخدمها بعد لكونتور الخشم سواء كان كريمي او باودر تخليني ادمجه بشكل جميل .

- استخدمها بعد لما ابي اوزع هايلايت ( أضاءة ) على الوجنات و ادمجها بشكل جميل .

 رأيي فيها :

كثير حبيتها لو تلاحظون قصة الشعر عل شكل دائري و هالشي يسهل علي و يساعدني كثير اني ادمج الكونسيلر تحت الحين و بعض الزوايا الداخليه او حتى زوايا الانف بشكل ممتاز .

شعرها مررره ناعم و غسلتها اكثر من مره ابد مالاحظت انو شعرها يطيح 

- هل برجع اشتريها ؟! اكيد اصلا منكثر ماحبيتها اشتريت منها ثنتين 

- سعرها 90 ريال 

- تنباع فقط بمحلات سيفورا 

عيوبها :

عيبها الوحيد بالنسبه لي انا انها مره طووووويله بشكل يصعب علي الحركه ياكثر ماصفقتها بالمرايا و انا متحمسه احط ميك اب

ممكن غير مايعتبرها عيب بس مااشوفه العيب اللي مايخليني ارجع اشتريها 

بالعكس احبها كثيرررر

...................

إن شاءالله عجبكم البوست 

و أعطوني رايكم وتجاربكم لفرش سيفورا 

على تويتر و الأنستقرام

THANKS FOR READING

تابعوني على twitter , instagram

XOXO

ALMAHA

Orange Corrector ,, طريقة أستخدام الكونسيلر (المصحح) البرتقالي :

بسم الله ,,,

اليوم بتكلم عن تجربتي للمصحح البرتقالي او الكونسيلر البرتقالي من mac
أسمة ..pure orange corrector
و ايش وظيفته ..

بنات كثيررره يشوفون لونه يتخوفون منه يقولون مره برتقالي ماتتجرأ تاخذه أو تحتار ماتعرف لأيش ممكن تستخدمة .

•  المصحح البرتقالي (Orange Corrector ) :

وظيفته انه يقوم بمعاكسه اللون الازرق في البشره ويعمل على اخفاء الاماكن الداكنه والهالات السوداء حول العين. وبرضو لتغطيه اثار الكدمات الزرقاء في البشره ,, احيان  مهما اخذتي كونسيلر على درجتك برضو يقلب على رمادي أو مايغطيها لك بشكل أساسي ,, لان لما تكون هالاتك مره غامقه مهما حطيتي كونسيلر مستحيل تختفي لانك تحطين لون فاتح على لون غامق فطبيعي بيقلب رمادي اللون البرتقالي يكسر لك حدة اللون الغامق هو شي معروف بعلم الألوان وكذا يعني D :

• أنواع المصحح البرتقالي :

يتوفر بعدة انواع بقوام ثقيل مثل هذا النوع من ماك Pure Orange لكن افضل استخدامه للمناسبات لاني اعتبره ثقيل ..

  

.............................

اما النوع الثاني و اللي من المصححات المفضله عندي هذي الفتره و اللي استخدمه لمكياجي اليومي وهو هذا النوع من ماك ايضا 
M.A.C STUDIO CONCEAL AND CORRECT DUO 

قوامه يجي خفيف و فرشته تساعد بالتوزيع بس عيبه كميته تجي قليله وهو يجي بلونين من المصححات البرتقالي و ايضا الكموني ..

• كيف ممكن تستخدمين اللون البرتقالي :

أول شي طبعا بعد ماتحطين مرطب العين و روتينك اللي قبل المكياج تحطين بالفرشه او بطرف اصبعك اللون البرتقالي بخفه لاتكثرين مره و لاتقليينه مره وماتحاولين تدمجينه كثير لان الدمج بيكون مع الكونسيلر العادي .
ثاني شي حطيتيه انتظري ينشف شوي أو يتشربه االوجه بعدها وزعي الكونسيلر حقك اللي تستخدمينه ,, (انا هنا الكونسيلر حقي تغطينه وسط )

 ** على فكره انا هنا حطيت قلم كحل بني من ماك وخليته ينشف شوي
ثالث شي بعد ماحطيت الكونسيلر انتظرت شوي بعدها قمت وزعته و دمجته بشكل كويس مع المصحح عشان يختفي البرتقالي وانتظرت دقيقه تقريباً
بعدها ارجعي بالاسفنجه بالطبطبه حاولي تتاكدين من الدمج و برضو عشان تشيلين اي شي زايد من الكونسيلر  

 بالصورة هنا بعد ما دمجتهم  اللي عاليسار و باليمين بعد ماحطيت البودره

• غير الهالات في ايش ممكن تستخدمين المصحح البرتقالي :

1- أحيان ممكن يكون عندك سمار حوالين الفم وبنات كثير يضايقهم هالشي تقدرين تحطين من المصحح البرتقالي على هالسمار قبل ماتحطين كريم الاساس ويطلع لك ميه ميه بس تعلمي تدمجين اقعدي تعلمي على يدك مافي شي صعب .

2- بنات كثير تحس لون وجهها مو واحد او تكون مبقعه بشرتها مثلا اللي تجي بشرتها و لونها زي البشره الهنديه  او اللي فيها كلف .



طبعا عشان تعالجين هذي المشكله يفضل تستخدمين البرايمر المصحح باللون البرتقالي 

البرايمر المصحح وهذا النوع يجي باللون البرتقال و وظيفته باانه يقوم بتصححيح لون البشره بالذات السمراء او اللي فيها بقع و لونها غير موحد وهذا لكي تتفادين منظر الفاونديشن او الكونسيلر الباهت او الرمادي ... من افضل الانواع اللي جربتها من ميك اب فورايفير ..

3- اذا الشفايف شوي غامقه أحيان تحسين لما تحطين روج لونه بينك طبيعي او اي درجه من درجات الوردي الطبيعيه ماتبين عليك لونها او يقلب اغمق من درجة اللون الاصليه قبل لاتحطين الروج امسحي بشفايفك من اللون البرتقالي يعني كانك تحطين بيس لشفايفك يطلع اللون واضح .
متوفر المصحح من اكثر من ماركة من بوبي براون من ميك اب فواريفر وبرضو فيه برايمر لكامل لوجه برتقالي بس هذا ينفع للبشره اللي غامقه مره عشان مايصير لون الكريم اساس عليهما رمادي

• طيب ماعندك هالمصحح أو ميزانيتك ماتسمح انك تاخذينه وش الحل ؟؟

1- روج برتقالي من اي ماركه رخيصه تقدرين تحطين منه على شفايفك او قبل الكونسيلر على الهالات ,, هذا الروج من NYX



2- بلاشر كريمي لونه برتقالي بنفس الطريقه تقدرين تستخدمينه  ,, هذا بلاشر من NYX اسمه NYX Rouge Cream Blush in 09 Orange

بديل مره أرخص من حق ماك وشوفو نفس الدرجه بالضبط



• DIY Orange Corrector :  سوي بنفسك انتي مصحح برتقالي :

1- الادوات بلاشر كريمي لونه برتقالي أو روج لونه برتقالي + كونسيلر عندك بس يكون قوامه شوي ثقيل كريمي يكن مو سائل + علبه بلاستك صغيره + الحديده مو ضروريه تقدرين تخلطين بأي شي متوفر عندك

2- تاخذين من الكونسيلر كمية على حسب ماتحتاجين و كمية صغيره من الروج او البلاشر البرتقالي و أخلطيهم .. أنتي براحتك تحددين كيف تبين درجة البرتقالي قويه او مره خفيفه .

P.S :

الهالات الداكنه حول العين او في الوجه ممكن تكون احيانا من  قله شرب الموية , واحيانا يكون لها عامل وراثي أو مشكلة بالجيوب الانفيه , وغالبا ما تكون نتيجه لعدم التوازن النفسي وقله ساعات النوم والسهر لساعات طويله وقله في معدل الفيتامينات والمعادن في الجسم  واثبتوا مؤخرا انه فيتامين K يساهم بدور كبير في التخفيف من حده ظهور الهالات السوداء حول العين حيث انه يزيد من تدفق الدم في الشعيرات الدمويه الرقيقه حول العين ووممكن ايضا ان يتضاعف مفعوله اذا اضيف له فيتامين A .ومن انواع الخضراوات النافعه لهذي المشكله: الجزر والفراوله والسبانخ والبروكلي .

  

  وبــــــس

أن شاءالله يكون عجبكم الموضوع وفادكم ولو بشي بسيط

تابعوني على twitter , instagram

THANKS FOR READING

XOXO

ALMAHA