بسم الله ....
صباح / مساء الخير
اليوم راح احكي لكم عن تجربتي لفرشتين من فرش سيفورا صارت شي اساسي بالنسبه لي
وكثير حابتها ..
لاحظت كثير بنات يشتكون من فرش سيفورا وانه شعرها خشن او يطيح صراحه انا مالاحظت هالشي و زي الحلاوة معاي الفرش
.........................
1- Pro 45 :
اول فرشة هي رقم 45 طبعاً غنية ع التعريف اتوقع الكل يعرفها
ممكن تستخدمينها للباودر او للفاونديشن ...
شعرها كثيف و شبيهه لفرشة سيجما و تقريبا تعطي نفس النتيجة
انا استخدمها للفاونديشن بطريقة التنقيط لتوزيع كريم الأساس
تعطي تغطية ممتازة و تدمج الفاونديشن بطريقة طبيعيه بعيده عن منظر التكتل للفاونديشن وانك حاطه طبقة .
رأيي فيها :
- جدا جميله حبيت شعرها كيف كثيف و هالشي يساعدك بالدمج و يسهلك اياه
- شعرها ناعم مررره عالوجه
-اول مااخذتها كانت شوي خشنه فقلت ليه مااجرب اغسلها وبعد ماغسلتها طلعت مره ممتازة ( بعض الفرش تحتاج احيان انك تغسلينها عشان تتخلصين من خشونتها حتى لو جديده )
- هل راح ارجع اشتريها ؟! اكيدددددد مره احبها ومااستغني عنها و احيان استخدمها بتوزيع الكومباكت باودر وتطلع النتيجة شي مره جميل خاصة ايام الصيف او الصبح
- سعرها 109 ريال
- طبعا ماتنباع الا بمحلات سيفورا نفسها .
..............................................
2- Pro 57 :
آآآآآآآآآآآآآآآه هذي الفرشة عشق عشق عشق انا وياها
هذي الفرشة للكونسيلر لدمجه بس أنا أستخدمها لأكثر من شغله
- استخدمها لدمج الكونسيلر تحت العين تعطي نتيجة دمج مجنوووووووونة
تدمجة بشكل طبيعي بدون ماتنزعجين من منظر الخطوط تحت العين او تكتل و بتغطية جداً جداً جداً ممتازة حتى لو كان الكونسيلر نوعة ثقيل .
-استخدمها بعد لكونتور الخشم سواء كان كريمي او باودر تخليني ادمجه بشكل جميل .
- استخدمها بعد لما ابي اوزع هايلايت ( أضاءة ) على الوجنات و ادمجها بشكل جميل .
رأيي فيها :
كثير حبيتها لو تلاحظون قصة الشعر عل شكل دائري و هالشي يسهل علي و يساعدني كثير اني ادمج الكونسيلر تحت الحين و بعض الزوايا الداخليه او حتى زوايا الانف بشكل ممتاز .
شعرها مررره ناعم و غسلتها اكثر من مره ابد مالاحظت انو شعرها يطيح
- هل برجع اشتريها ؟! اكيد اصلا منكثر ماحبيتها اشتريت منها ثنتين
- سعرها 90 ريال
- تنباع فقط بمحلات سيفورا
عيوبها :
عيبها الوحيد بالنسبه لي انا انها مره طووووويله بشكل يصعب علي الحركه ياكثر ماصفقتها بالمرايا و انا متحمسه احط ميك اب
ممكن غير مايعتبرها عيب بس مااشوفه العيب اللي مايخليني ارجع اشتريها
بالعكس احبها كثيرررر
...................
إن شاءالله عجبكم البوست
و أعطوني رايكم وتجاربكم لفرش سيفورا
على تويتر و الأنستقرام
THANKS FOR READING
XOXO
ALMAHA