تجربتي بالطلب من موقع مانجو .. Mango

 

بسم الله ...

اليوم راح احكي لكم عن تجربتي بالطلب من موقع مانجو

اول شي راح اتكلم عن تجربتي ..

كتجربة اولى  لي للطلب منهم ماحبيت اكثر بالطلبات  و خاصة لأني حابه أجرب الدفع عند الأستلام , أكتفيت بشغلتين  كنت من فترة محتاجتهم و أدور عليهم

بالبداية انا طلبت  بتاريخ 3 july  ووصلت الشحنة تاريخ 12 ( يعني اخذ الشحن 9 ايام مع أنه مذكور بالموقع خلال 4 ايام بس

ممكن لاني أخترت الدفع عند الاستلام فهذا سبب تآخيرها ) , ارسلو لي مسج الصبح انه وصلت شحنتي و الساعه 4 العصر جوني لين باب البيت أراميكس , و واضح بالصور طريقة تغليف الشحنة و أهتمامهم بترتيبها .

طلبي الأول كان هذي التنورة الجلد من زمان عاجبتني و أدورها الحلو فيها جلدها مره خفيف ( سامحوني عالتصوير بطارية الكاميرا ضايعة و اضطريت اصور بالجوال )

 صورة أوضح للتنورة من الموقع

.......................................................................

ثاني قطعة  هذا الفيزت الجينز كان من ضمن القطع اللي شاملها الخصم بالموقع فحبيت اخذه

صورة  أوضح للفيزت

.................................................

ثانياً : طريقة الطلب :

بإمكانك الطلب اما عن طريق تحميل التطبيق على جوالك أو الدخول على الموقع الخاص بهم

www.mango.com

نجي للطريقه بعد ماتدخلين مثلا على قطعة عاجبتك 

1- تضغطين على  add to bag

2- و انتي فاتحه سلة التسوق اضغطي على 

checkout

3- بعدها تقومين بتسجيل الدخول لو عندك حساب مسبق او تقومين بأنشاء حساب جديد بااختيارك new customer

4 & 5 - تقومين بتعبئة البيانات مثل ماني موضحة

6 - بعدها تختارين الدفع عند الأستلام cash on delivery

وبس و تكملين التسجيل بكذا يكون اكتمل طلبك بعدها بيوم ممكن يجيك عالايميل ان العملية تمت

جداً سهل و بسيط طريقة الطلب و هذا الشي المميز عندهم و في حالة كان طلبك بقيمة 200 ريال و فوق يتم التوصيل مجانا

..........................................

هل أنصحكم تطلبون منه ؟! طبعاً و اكيد راح ارجع أطلب مره ثانية , اولاً البضاعه اللي بالموقع جميله فرق بينها و بين اللي بمحلاتنا

ثانياً الخصومات عندهم حلوه و على قطع لا تتفوت فرق بينها وبين اللي تنحط عندنا ( و على فكره فيه قطع لقيتها بالموقع عليها تخفيض و عندنا كانو منزلينها أول رمضان و كاتبين من الكلوكشنات الجديده -_- )

.....................

THANKS FOR READING 

تابعوني على twitter , instagram

XOXO

ALMAHA