بسم الله ...
بما أننا دخلنا بالصيف موسم الحفلات و المناسبات و بعدها يجي العيد و الأغلب جالس يشتري للعيد من الحين و أكيد تبون تعرفون أيش اللي دارج هذي الفتره ..
و أعتذر ع التأخير بالتدوينه اخترب الكمبيوتر و كان فيه كل الصور و بعدها كنت تعبانه ..
مابكثر عليكم حكي خلونا نشوف أيش موضة صيف 2014 ...
* الطبعات (Printrd)
1- طبعات الورود (Floral frenzy) :
طبعات الورود كانت دارجه من 2013 لكن هالسنه صارت دارجة بشكل أكثر و خاصة أنك تمزجين نقشات الورود مع بعض
لازم يكون عندك هالصيف قطع موردة و تقدرين تدمجينها بأكثر من طريقه و من ضمنها الورود مع المخطط او ورود كبيره مع نقشات ورود صغيره عشان ماتكون منظرها مزعج للعين و دفش
وهنا بعض اللوكات اللي ممكن تعطيكم فكره لتنسيق
2- الطبعات الأستوائية ( Tropical ) :
طبعات الأشجار و النباتات الأستوائية و أيضا الفواكة ( الليمون - برتقال - أناناس ) طبعات دارجة هذي السنة لصيف 2014 بشكل كبير و شفناها بالستريت ستايل و على كثير من أيقونات الموضة هذا الصيف
هنا بعض الصور اللي ممكن تعطيك فطرة لطريقة تنسيقها
3- المنقط ( Polka dots ) :
هذي السنة لاحظنا المنقط بعروض كثير من المصممين الخاصه بـ ربيع و صيف 2014 و من ضمنهم دلوتشي اند غابانا
رجع المنقط بأكثر من لون مو يس محتكر عالابيض و أسود لكن اللي نشوفه أكثر شي و طاغي هو الأسود و الأبيض
لازم يكون عندك قطعه منقطه هالصيف و للمعلوية القميص او البلوزه الابيض و الأسود ممكن تلبسينها على أي لون بنطلون أو تنوره محتاره وش تركبين عليها سواء كانت وردي - أخصر - أصفر
وهما بعض اللوكات اللي ممكن تعطيك فكره لطريقة لبسها
4- الكسرات ( Pleated )
الكسرات او المكسر شفنها بعروض الأزياء الخاصة بـ ربيع و صيف 2014 و خاصة بعرض ديور و أتوقع كلكم لاحظتو انه كثيرررر دارج خاصة التنانير الميدي منه بألوان الباستيل الجميله و شفتوها بأغلب المحلات و أغلب البلوقرز لابسينها
قطعه جميلة أحرصي أنك تاخذين قطعه للعيد منها تعطي طلتك أناقة و أنوثة بنفس الوقت
و هنا بعض الصور اللي ممكن تساعدك بالتنسيق
* ألوان الباستيل ( Pastel colors )
درجات الباستيل هي اساس الالوان الدارجة هذا الصيف بكل درجاتها و بشكل مره كبير لكن أكثر اللي برز هذا الصيف 2014 ثلاث درجات منه و تعتبر من أساسيات الموضه و هي :
5 - البلوش بينك ( Bluch pink ) :
البلش بينك من اجمل الألوان اللي تعتبر شي أساسي هذا الصيف و هو من درجات الباستيل و هذا اللون بجميع درجاته بداية من النود للبصلي ممكن الاغلب يسموه كذا الى الوردي المطفي الجميل لازم لاااااازم يكون عندك هالدرجة الأنثوية الأنيقة
و هنا بعض الصور لتنسيقات الستريت ستايل
6- المسحوق الأزرق ( Powder blue )
لون الباستيل الأزرق الشبيه بالباودر يجي جدا فاتح هاللون بعد يعتبر لون أساسي هذا الصيف ل2014
للي حابين يتبعون الدارج بالموضه
و هنا بعض اللوكات اللي ممكن تساعدك بالتنسيق
7- لون النعناع الفاتح ( Mint ) :
اللون الثالث من درجات الباستيل اللي جدا دارجة هذي السنه اللي هو الاخضر الفاتح لون النعناع و ممكن البعض يسمونه لون تيفاني
و هنا بعض الصور اللي ممكن تساعدك بالتنسيق
8 - الأبيض مع الأبيض ( All white )
من الأشياء اللي دارجة هذا الصيف و اللي تعطيك طلة جداً أنيقة الأبيض مع الأبيض
تعطيك طلة جداً مميزه و ملفته و قمة الأناقة حاولي تعتمدينها بمناسباتك و بالعيد
وهنا بعض اللوكات اللي تساعدك ع التنسيق
9- الجومب سوت / البذله الكاملة ( Jumpsuit ) :
الجومب سوت او البذلة الكاملة اللي يجي البنطلون مشبوك بالبدي او البلوزه لازم يكون عندك هالصيف شفناه بعروض كثيره و أيضاً على السجادة الحمرا يعطيك طلة جداً أنيقة و ممكن تلبسينه بأكثر من طريقه أحرصي أنها تكون من قطعك هذا الصيف و بالعيد
و هنا طرق للبسها ممكن مع جاكيت او حزام
10- التنورة اللف ( Wrap skirt )
التنورة اللف من القطع الدارجة هذا الصيف بكل الأطوال لكن اللي بارز أكثر شي الطول ميدي
و هنا بعض اللوكات بالستريت ستايل لطريقة لبسها و تنسيقها
11- البنطلون البلازو ( Palazzo )
يعتبر شبيه لستايل الهيبيز من القطع اللي دارجة هذا الصيف و ممكن تكونو لاحظتوها معروضه بأغلب المحلات بالسوق
قطعه صيفيه جميله و خفيفه
و هنا بعض الطلات اللي ممكن تساعدك على التنسيق
12- الشبكات او الشبك ( meshed ) :
هنا بعض الصور اللي ممكن تعطيك فكره عن طريقة لبسها
و هذي أكثر الأشياء الدارجة هذا الصيف و من ضمنها أيضا أشياء مكملة من السنة اللي فاتت و هي
الألوان المعدنية و أيضاً تنانير المنفوشه ( full skiry )
و أيضا من ضمن الأشياء الدارجة البنطلون الشبيه للتنوره ( the culottes ) بتدوينة سابقه
............
إن شاءالله عجبكم البوست و يفيدكم
أعطوني رايكم
على تويتر و الأنستقرام
THANKS FOR
XOXO
ALMAHA
